Welkom by Carin Kotze se @ Racing site!!

Dis winter, koud en nat. Na Saterdag se Geskiedkundige Klein Karoo Kampioenskappe gaan dit stil wees op die Ovaalbane vir ‘n hele rukkie. Ek moet regtig vir Dirk van der Westhuizen en al sy helpers geluk wens met die sukses van die hele naweek. Dit is ‘n resies wat deur niemand gemis wil word nie. Julle doen uitstekende werk en die 126 inskrywings, bewys dit.

Aan almal wat deelgeneem het, baie geluk! Of jy laaste, eerste, met ‘n stukkende kar of breë bors geëindig het, dit was tog die moeite werd. 

Vir die wat belangstel. 31 Julie 2010 is die volgende Main Circuit resies. Verander ‘n bietjie van spyse, doen jouself ‘n guns en kom ondersteun daar ook. Uitstekende wedrenne word verwag met ‘n groot hoeveelheid inskrywings. Vir die Oval-aanhangers – Jano van der Westhuizen, Carmen Fleming, Francois van Tonder, Johan Nel, Kosie Weyers, Brenon Green en nog ‘n paar bekende oval-name is almal te sien op die Main Circuit. Ons het julle ondersteuning nodig.

Geniet die laaste deel van hierdie week.